सुनसरी।मोरङको ग्रामथान गाउँपालिकामा उपनिर्वाचनको मौन अबधिमा सम्मेलन र भेला गरि नेपाली कांग्रेसले निर्वाचन आचारसंहिता उल्लंघन गरेको भन्दै निर्वाचन आयोगमा उजुरी परेको छ ।
राष्ट्रिय स्वतन्त्र पार्टीले ग्रामथान गाउँपालिका वडा नम्बर–६ मा मौन अवधिको समयमा शनिबार बिहान कांग्रेसले भेला र सम्मेलन गरेको भन्दै निर्वाचन अधिकृतको कार्यालयमा उजुरी दिएको हो । ग्रामथानमा भएको भेलामा नेपाली कांग्रेस नेता गुरुराज घिमिरे सहभागी भएका थिए ।
निर्वाचनको अघिल्लो दिन मान्छे भेला पारेर सम्मेलन गरेको रास्वपाको आरोप छ । भेलामा कांग्रेस नेताहरु भेला भएको स्थानको भिडियो खिचेपछि कांग्रेसका कार्यकर्ताले रास्वपा कार्यकर्तालाई हातपातसमेत गरेका थिए । रास्वपाबाट आध्यक्षका उम्मेदवार नविन विश्वासले मौन अवधिको समयमा आफ्नो घर नजिकै कांग्रेसले भेला गरेपछि उजुरी गरेको बताए ।
