सुनसरी ।फिल्मी करियर सुरु भएको एक दशकको अवधिमा उनले करिब दर्जन हाराहारीको फिल्ममा अभिनय गरेकी छन् । अनमोल केसी अभिनीत ‘गाजलु’बाट फिल्म डेब्यु गरेकी उनलाई ‘पोइ पर्यो काले’, ‘द रेड सुटकेस’, ‘द सेक्रेट्स अफ राधा’, ‘माइकल अधिकारी’, ‘चिसो एस्ट्रे’, ‘बाँध मायाले’, ‘रोमियो एन्ड मुना’, ‘लालपुर्जा’ जस्ता फिल्मले चर्चा त दिलायो तर व्यावसायिक सफलता भने पाउन सकिनन् । पछिल्लो पटक उनको नयाँ फिल्म ‘मिसिङः केटी हराएको सूचना’ शुक्रवारबाट सार्वजनिक प्रदर्शनमा आउँदैछ ।
